你係咪學咗好多 AI 工具，但又唔係真係覺得好有用？
問題唔係工具唔夠，係工具太多太散，令你仲未開始就已經卡住。
呢度帶你由零開始 —— 淨係用一個 Claude。
真正行得快嘅人，唔係用最多工具嗰個。
裝咗十幾個 AI 工具，每個都識少少，最後乜都記唔住，做到一半就放低。
揀一個夠強嘅工具，做晒 90% 嘅事。專心一個，反而做得更多、更快。
我自己而家 淨係用 Claude。由寫嘢、整網站，到自動化重複工作，一個對話入面就搞掂。
唔係淨係傾偈咁簡單。
由開帳戶到第一次叫佢做嘢。
去 claude.ai，用 Email 或者 Google 帳戶註冊，即刻可以同佢傾偈試下。
💡 免費版：每日有限額，夠你試下手感。
🚀 Pro（USD $20／月）：如果你開始認真用嚟做生意，建議升 Pro —— 限額大好多、可以跑長啲嘅任務，亦解鎖喺電腦度做嘢（下面 STEP 3）。付款同安裝詳細教學 →
唔使學任何指令。你淨係用平時講嘢嘅方式，同佢講你想要咩，講得越清楚越好。
佢答完唔啱你心水？再講「我想要⋯⋯唔想要⋯⋯」，佢會即刻改。你係老闆，佢係幫你做嘢嗰個。
就要裝一個叫 Claude Code 嘅工具，等佢可以直接喺你部電腦度動手。我已經寫好逐步教學，跟住做就得：
就喺今日，我淨係喺一個對話入面叫 Claude：幫我成個網站做到俾人 Google 搜到、再加埋睇訪客數據 —— 全程冇寫過一行 code，半個鐘搞掂。
呢啲以前要識 code，或者請專人先做到。而家識點吩咐個 AI 就得。